बाजुरा : नेपाल राष्ट्रिय शिक्षक संगठन जिल्ला समिति बाजुराको जिल्ला अधिवशेन सुरु भएको छ । “गौरवशाली विगत चुनौतीपूर्ण वर्तमान, गुणस्तरका लागि शैक्षिक सुशासन” भन्ने मूल नाराका साथ शिक्षक संगठन बाजुराको दशौं जिल्ला अधिवेशन जिल्ला सदरमुकाम मार्तडीमा आज सुरु भएको हो । 

नेपाल राष्ट्रि शिक्षक संगठन जिल्ला समिति बाजुराको दशौं जिल्ला अधिवेशनको नेपाल शिक्षक संगठन राष्ट्रिय समितिका अध्यक्ष लक्ष्मण शर्माले औपचारिक रुपमा उद्घाटन गर्नु भएको छ । शिक्षक संगठनका जिल्ला अध्यक्ष जयलाल कार्कीको अध्यक्षतामा सञ्चालन भएको कार्यक्रमको प्रमुख अतिथि राष्ट्रिय समितिका अध्यक्ष लक्ष्मण शर्मा रहनु भएको थियो । 

नेपाल राष्ट्रिय शिक्षक संगठन समितिका उपाध्यक्ष, नेकपा एमाले जिल्ला कमिटी उपाध्यक्ष भरत बुढा, सचिव भरत थापा, प्रचार विभाग प्रमुख कासी विक र प्रदेश अध्यक्ष नरबहादुर रावल लगायत विशिष्ट अतिथिमा रहनु भए्को थियो ।

जिल्लाका पेशागत संघ संगठन र सरकारी निकायका प्रमुख एवं प्रतिनिधी र ९ वटै पालिकाका अध्यक्ष, शिक्षक शिक्षिका लगायतको उपस्थिति रहेको थियो ।

कार्यक्रममा प्रमुख अतिथि, विशिष्ट अतिथि र अन्य अतिथिहरुले शुभकामना मन्तब्य राखेको थियो । एमाले पार्टी कार्यालयको सभा हलमा सञ्चालन भएको अधिवेशनको उद्घाटन सत्र कार्यक्रमको सञ्चालन सञ्चालक समितिका सचिव धीरबहादुर दानीले गर्नु भएको हो ।

अधिवशेनको भोली बन्द सत्र सुरु गरिने बताईएको छ । भोली बन्द शत्र सञ्चालन गरी जुझारु, सक्षम र सुदृढ नेतृत्व चयन गर्ने प्रक्रियामा जाने संगठनका सचिव धीरबहादुर दानीले जानकारी दिनुभएको छ ।