बुधबार २४, भदौ २०८३ १२:२८
बुधबार २४, भदौ २०८३ १२:२८
गाैमुल खबर
बाजुरा ः गौमुल गाउँपालिका-२ नम्बर वडा कार्यालयमा “स्वास्थ्य चेकजाँच गरौँ, स्वस्थ रहौँ” भन्ने मूल नारासहित वडा स्तरीय एकीकृत स्वास्थ्य शिविर तथा पूर्ण खोप सुनिश्चितता एवं दिगोपना वडा घोषणा कार्यक्रम सम्पन्न गरिएको छ ।
कार्यक्रम वडा अध्यक्ष देवबहादुर रोकायाको अध्यक्षतामा सम्पन्न भएको हो । कार्यक्रममा स्थानीय नागरिकको सहभागिता रहेको थियो । शिविरमा गौमुल गाउँपालिका स्वास्थ्य शाखाका डाक्टरसहितको स्वास्थ्य टोली तथा वडाका स्वास्थ्यकर्मीहरुको सक्रिय सहभागिता रहेको थियो ।
स्वास्थ्य शिविरमार्फत सर्वसाधारणलाई स्वास्थ्य परीक्षण, परामर्श तथा आवश्यक उपचार सेवा प्रदान गरिएको छ । त्यसैगरी, कार्यक्रममा बालबालिकाको नियमित खोप सुनिश्चितता, खोप अभियानको प्रभावकारिता तथा दिगोपनाबारे जानकारी गराउँदै वडालाई पूर्ण खोप सुनिश्चितता तथा दिगोपना वडा घोषणा गरिएको वडा अध्यक्ष रोकायाले बताएका छन् ।
स्वास्थ्य शिविरले नागरिकलाई सहज रुपमा स्वास्थ्य सेवा पहुँच पु¥याउनुका साथै जनचेतना अभिवृद्धि गर्न महत्वपूर्ण भूमिका खेलेको सहभागीहरुले बताएका छन् ।
प्रतिक्रिया