बाजुरा ः नेकपा (एमाले) बाजुराले पार्टीको आगामी मंसिर २७-२९ गते काठमाडौंमा हुने ११ औँ महाधिवेशनका लागि १६ जना प्रतिनिधि सर्वसम्मत रूपमा चयन गरेको छ ।

खुला, महिला, दलित तथा युवा कोटा अनुसार सर्वसम्मत प्रतिनिधि छनोट गरेर जिल्लामा संगठनभित्रको एकता, समन्वय र सहकार्यको सशक्त उदाहरण प्रस्तुत गरिएको बताइएको छ ।

प्रतिनिधि छनोट निर्वाचन समिति संयोजक मदनराज जैशीका अनुसार खुलातर्फ ७, महिलातर्फ ४, दलित कोटाबाट ४ र युवा कोटाबाट १ गरी १६ जना प्रतिनिधिहरू एकमतले चयन भएका हुन् ।

जिल्ला अध्यक्ष लालबहादुर ओलीले सर्वसम्मत चयनले बाजुरा एमालेभित्र ‘एकता, त्याग र हार्दिकता’लाई थप मजबुत बनाएको बताए । उनका अनुसार यसले पार्टीलाई अझै संगठित रूपमा महाधिवेशनतर्फ अघि बढ्ने स्पष्ट संकेत दिएको छ ।

सर्वसम्मत रूपमा चयन भएका प्रतिनिधिहरू :
खुला :

लालबहादुर ओली

जनक कुमार बोहरा

बल्देव रेग्मी

गगन रावल

भरत थापा

मनलाल विष्ट

मेघराज शाही

महिला :

सीता थापा

देवु खाती

पार्वती थापा विष्ट

बसन्ती गुरुङ

दलित :

काँशी विक

अमर विक

गौरी सार्की

राजकला सार्की

४० वर्ष मुनिको युवा कोटा :

नरेश कुमार रोकाया

अघिल्लो १० औँ महाधिवेशनका लागि पनि बाजुराबाट सर्वसम्मत प्रतिनिधि चयन भएको थियो, जबी ९ औँ महाधिवेशनमा भने निर्वाचन प्रक्रिया भएको थियो । यसपटक समन्वय र आपसी विश्वासका कारण छनोट प्रक्रिया सहज र विवादरहित बनेको एमाले नेताहरूको भनाइ छ ।

एमाले उपाध्यक्ष जनक कुमार बोहराका अनुसार जिल्ला कमिटीले देखाएको एकताले केन्द्रमा देखिएको विभिन्न समूहगत धारहरूबीच पनि सकारात्मक सन्देश जाने विश्वास गरिएको छ । बाजुराबाट कर्णबहादुर थापा स्थायी कमिटी सदस्य तथा लालबहादुर थापा, सहदेव बोगटी, दयालबहादुर शाही केन्द्रीय सदस्य रहेका छन् ।

बसुन्धरा रोकाया आयोग सदस्य र कालीबहादुर शाही प्रदेश कमिटी उपाध्यक्ष समेत छन् । शाही प्रदेशबाट प्रतिनिधि छानिनेछन् । पार्टीका नेताहरूका अनुसार सर्वसम्मत निर्णयले आगामी राजनीतिक क्रियाकलापमा पनि सकारात्मक प्रभाव पार्ने विश्वास लिएको छ ।