सोमबार १५, मङि्सर २०८२ ०४:५६
सोमबार १५, मङि्सर २०८२ ०४:५६
गाैमुल खबर
बाजुरा ःसुदूरपश्चिम प्रदेशका मुख्यमन्त्री कमल बहादुर शाहले बाजुराको बडीमालिका नगरपालिका-७ स्थित जिल्ली पहिरोको स्थलगत अवलोकन गर्दै स्थानीयवासीलाई राहत र सुरक्षित व्यवस्थापनको आश्वासन दिएका छन् ।
शनिबार पहिरो प्रभावित क्षेत्र पुगेका उनले आगामी वर्षदेखि पहिरो नियन्त्रणका लागि आवश्यक बजेटको व्यवस्था गरिने र प्रभावित विद्यालयको पुनर्निर्माण तथा व्यवस्थापनमा प्रदेश सरकार जिम्मेवारीपूर्वक अघि बढ्ने प्रतिबद्धता जनाएका छन् ।
अवलोकनका क्रममा मुख्यमन्त्री शाहले भने, “अर्को वर्ष तपाईंहरूलाई यस्तो दुःख पर्न दिन्नौं । पहिरो नियन्त्रणका पूर्वाधार निर्माण र विद्यालयका लागि छुट्टै बजेटको व्यवस्था गरिनेछ ।”
उनका अनुसार हालको पहिरोले मार्ताडी-कोल्टी सडक तथा नजिकै रहेको लक्ष्मी माध्यमिक विद्यालयलाई जोखिममा पारेको छ। विद्यालयको पठनपाठन प्रभावित भएकाले तत्काल राहत तथा दीर्घकालीन समाधान दुवैमा सरकार गम्भीर रहेको उनले बताए ।
मुख्यमन्त्री शाहलाई बडीमालिका नगरपालिकाका नगरप्रमुख अमर खड्काले पहिरो नियन्त्रणका स्थायी संरचना निर्माण र विद्यालय व्यवस्थापनका विषयमा सरकारबाट छिटो कदम चाल्न आग्रह गरेका छन् ।
प्रतिक्रिया