गाैमुल खबर डटकम सोमबार १५, मङि्सर २०८२ ०५:३६

मार्तडीमा जनसांस्कृतिक महासंघको भव्य साँस्कृतिक कार्यक्रम सम्पन्न

बाजुरा
गाैमुल खबर गाैमुल खबर
शुक्रबार, मङि्सर ०५, २०८२
मार्तडीमा जनसांस्कृतिक महासंघको भव्य साँस्कृतिक कार्यक्रम सम्पन्न

बाजुरा ःराष्ट्रिय जनसांस्कृतिक महासंघ नेपाल, जिल्ला कमिटी बाजुराले शनिबार सदरमुकाम मार्तडीमा भव्य साँस्कृतिक कार्यक्रम सहित डेउडा घम्साघम्सी सम्पन्न गरेको छ ।

जनसांस्कृतिक माध्यमबाट सामाजिक सद्भाव तथा पहिचान संरक्षणलाई अझ प्रभावकारी बनाउने उद्देश्य सहित आयोजना गरिएको जिल्ला अधिवेशनमा राष्ट्रियदेखि स्थानीय तहसम्मका कलाकारहरू र स्थानीय बासिन्दाको समेत व्यापक सहभागिता रहेको थियो ।

कार्यक्रममा राष्ट्रिय कलाकार लक्ष्मी आचार्य, ध्वज महरा, जनकलाकार गणेश चौतारी, डेउडा गायक राजेन्द्र पश्चिमेली, मन नेपाली, स्थानीय कलाकार लक्ष्मी विक कलाकारहरूले विशेष प्रस्तुति राखेका थिए ।

त्यस्तै स्थानीय डेउडा कलाकार सुना विक, विस्ना विष्ट, राम थापा शंकर मल्ल र तुला थापाबीचको रोचक डेउडा घम्सा–घम्सी प्रस्तुतिले कार्यक्रम थप भव्य बनेको थियो ।

डेउडामा नेकपा (एमाले) केन्द्रीय सदस्य तथा बाजुरा जिल्ला इन्चार्ज लालबहादुर थापा, प्रदेश कमिटी सदस्य युवराज शाही, जिल्ला अध्यक्ष लालबहादुर ओली, सचिव काँशी विक, अनेरास्ववियु पूर्व केन्द्रीय महासचिव नरेश कुमार रोकाया लगायत डेउडामा सहभागि बनेपछि कार्यक्रम झनै भव्य र प्रभावशाली बनेको थियो ।

डेउडामा नेकपा एमाले र नेपाली काँग्रेस मिलेर देशलाई स्थिर अवस्थामा फर्कानुपर्ने र त्यसको नेतृत्व एमालेले गर्नुपर्ने डेउडा ब्याटलमा सवाल जवाफ गरिएको थियो ।

राष्ट्रिय जनसांस्कृतिक महासंघ नेपाल, जिल्ला कमिटी बाजुराका अध्यक्ष धिरन विकको अध्यक्षतामा सञ्चालन भएको चौथो जिल्ला अधिवेशनबाट नयाँ नेतृत्व चयन गरिने भएको छ । 
May be an image of one or more people and street

प्रतिक्रिया