गाैमुल खबर डटकम शनिबार १४, भदौ २०८२ ०६:४९

हुम्लामा महिला स्वास्थ्यकर्मी माथि बलात्कारको प्रयास गर्ने तीन जना पक्राउ

बाजुरा
गाैमुल खबर गाैमुल खबर
बिहीबार, भदौ १२, २०८२
हुम्लामा महिला स्वास्थ्यकर्मी माथि बलात्कारको प्रयास गर्ने तीन जना पक्राउ

वीरेन्द्रनगर : हुम्लामा काम गर्दै आएकी महिला स्वास्थ्यकर्मीमाथि बलात्कार प्रयास गर्ने तीन जना कर्मचारी पक्राउ परेका छन्। गाउँपालिकामा स्वास्थ्य सम्बन्धी काम गर्दै आएकी स्वास्थ्यकर्मीमाथि बलात्कार प्रयास गर्ने ताँजाकोट गाँउपालिका-३ मैलास्थित स्वास्थ्य चौकी इन्चार्ज लिलाराज शर्मा, एम्बुलेन्स चालक मंगल शाही र कार्यालय सहयोगी रामबहादुर बुढालाई पक्राउ गरेको जिल्ला प्रहरी प्रमुख डिएसपी शंकर पोख्रेलले जानकारी गराए।

उनीहरूले मंगलबार राती करिब ११ बजेको समयमा महिला स्वास्थ्यकर्मीको कोठामा गई बन्दक राखेको भन्ने सूचनाको आधारमा छप्रेला प्रहरी चौकीको टोलीले राती नै पक्राउ गरेको हो। स्वास्थ्य चौकी इन्चार्ज शर्मासहित तीनै जनाले मदिरा सेवन गरी उनको कोठामा गएर सामुहिक बलात्कार प्रयास गरेका हुन्।

पोख्रेलका अनुसार घटनाको विषयमा थप अनुसन्धान भइरहेको छ। प्रारम्भिक रुपमा महिला स्वास्थ्यकर्मीमाथि अभद्र व्यवहार गरेको भन्ने छ। उनीहरूलाई पक्राउ गरे लगत्तै दुबै पक्षलाई जिल्ला सदरमुकाम सिमकोट ल्याइएको छ।

मदिरा सेवन गरि रातिको समयमा निज पीडितको कोठामा गई विभिन्न खाले यौन दुर्व्यवहारका कुराहरू गरेपछि उनी कर्मचारीले आफ्नो संस्थाको केन्द्रीय कार्यालयमा जानकारी गराएकी थिइन्। उक्त संस्थाको केन्द्रीय कार्यालयले जिल्ला प्रहरी कार्यालयलाई उक्त कुरा जानकारी गराएपछि दुर्व्यवहार आरोपित तीनै जनालाई प्रहरीले पक्राउ गरेको हो।

प्रतिक्रिया