बाजुरा ः हिमाली गाउँपालिका बिच्छ्या खोलामा आएको आकस्मिक बाढीले स्थानीय बस्ती र खेती योग्य जमिनमा ठूलो क्षति पुर्याएको छ । लगातारको वर्षापछि खोलामा पानीको सतह असामान्य रूपमा बढ्दा बस्ती नजिकैको जमिन र घरहरु जोखिममा रहेको छन् ।
स्थानीय साजन थापाका अनुसार बाढीले विशेष गरी खोला किनारका बस्ती र खेतबारीमा क्षति पुर्याएको छ । हिमाली गाउँपालिका अध्यक्ष गोविन्द बहादुर मल्लका अनुसार अहिलेसम्म १० घर छाना बगाएको र खेतीयोग्य जमिन धेरै क्षती भएको बताएका छन ।
घटना स्थलमा आफु गएर यथार्थ विवरण आउने उनको भनाई रहेको छ । बिच्छ्या खोला उर्लेदा हिमाली १, ३ र ५ नम्बरमा क्षति भएको छ । घटनापछि नेपाल प्रहरीको टोल गएको जिल्ला प्रहरी कार्यालय बाजुराले जनाएको छ । हालसम्म कुनै मानवीय क्षति तथा अन्य क्षेतीको विवरण नआएको प्रहरीले जनाएको छ ।
प्रतिक्रिया