शनिबार १४, भदौ २०८२ १०:४१
शनिबार १४, भदौ २०८२ १०:४१
गाैमुल खबर
बाजुरा ः बडीमालिका नगरपालिकास्थित विष्णुपानी क्षेत्रमा भीरबाट लडेर मृत्यु भएका दुवै जना तीर्थयात्रीको शव नेपाली सेनाको हेलिकप्टर मार्फत सुर्खत पठाएको छ ।
०८२ साउन २२ गते साँझ करिब ६ बजे बडीमालिका दर्शन गरी फर्कने क्रममा काठमाडौंको गोकर्णश्वर नगरपालिका-५ का ५२ वर्षीय विप्लव ओझा र बर्दिया जिल्लाको ठाकुर बाबा नगरपालिका-४ का ७५ वर्षीय डिल्लीराज घोडासैनीको साउन २४ गते भीरबाट लडेर घटनास्थलमै मृत्यु भएको हो ।
दुवै जनाको शव बडीमालिका क्षेत्रको विष्णुपानी भीरमा अड्किएको थियो । भौगोलिक कठिनाइका कारण स्थानीय नेपाल प्रहरीले शव तत्काल निकाल्न नसकेपछि नेपाली सेना खटिएको थियो ।
सेनाको उद्धार टोलीले स्थानीय र नेपाल प्रहरीको सहकार्यमा शनिबार साँझ शव निकाल्न सफल भएको ईश्वरी बक्स गुल्म बाजुराका गुल्मपति कृष्ण तिमिल्सिनाले गौमुल खबर डटकमलाई जानकारी दिएका छन् । दुवै जनाको शव नेपाली सेनाको हेलिकप्टर मार्फत सुर्खत पठाईएको छ । शव लगेर परिवारको जिम्मा लगाईने भएको छ ।
प्रतिक्रिया