शनिबार १४, भदौ २०८२ १०:४०
शनिबार १४, भदौ २०८२ १०:४०
गाैमुल खबर
बाजुरा ःबाजुराको बडीमालिका मन्दिरबाट दर्शन गरेर फर्कने क्रममा लडेर एकजनाको मृत्यु भएको छ । पूर्व शिक्षामन्त्री देवीप्रसाद ओझाका ५२ वर्षका छोरा विप्लव ओझाको मृत्यु भएको प्रमुख जिल्ला अधिकारी मेघनाथ पाध्याले बताएका छन् ।
बडीमालिका मन्दिरबाट १ घण्टाको दुरीमा तल झर्ने क्रममा भीरबाट लडेर मृत्यु भएको हुनसक्ने जिल्ला प्रहरी कार्यालयले जनाएको छ । प्रहरीले खोचमा परेको शव निकालेको छ ।
मृतक ओझाको ठेगाना काठमाण्डौं गोकर्णश्वर ५ रहेको छ । उनी राती नै दर्शन गरेर फर्केको हुनसक्ने अनुमान प्रहरीको रहेको छ । राती हिडेका कारण भीरबाट चिप्लिएको आशंका गरिएको छ ।
बिहाना ८ बजे मात्र लडेर मृत्यु भएको खबर आएको थियो । मृतकको शव उद्दाका लागि नेपाली सेनाको हेलिकप्टर सदरमुकाम मार्तडीमा तयार अवस्थामा रहेको भएपनि प्रतिकूल मौसमका कारण समस्या भईरहेको छ ।
प्रतिक्रिया