आइतबार ०९, मङि्सर २०८१ ०१:२१
आइतबार ०९, मङि्सर २०८१ ०१:२१
गाैमुल खबर
काठमाडौँ : धादिङको गजुरी–२ मा बस नदीमा खस्दा ८ जनाको मृत्यु भएको छ । आठ जना घाइते भएका छन् । काठमाडौँबाट म्याग्दीको बेनीका लागि छुटेको प्रदेश ३–०१–००५ ख ९९५२ नम्बरको बस बिहान सवा ११ बजेतिर त्रिशूली नदीमा खसेर दुर्घटना हुँदा ८ जनाको मृत्यु भएको जिल्ला प्रहरी कार्यालय धादिङले जानकारी दिएको छ।
मृत्यु हुनेको परिचय खुलिनसकेको प्रहरीले जनाएको छ । प्रहरीकाअनुसार दुर्घटना स्थलबाट १६ जनाको उद्धार गरिएकोमा ८ जनाको मृत्यु र ८ जना घाइते भएकाले अस्पताल पठाइएको छ । प्रारम्भिक जानकारीअनुसार बसमा २० जना यात्रु भएको खुलेकाे तर एकिन हुन बाँकी रहेको प्रहरीले जनाएको छ । नेपाली सेना, सशस्त्र प्रहरी र नेपाल प्रहरीको टोलीले घटनास्थलमा खोज तथा उद्धारको काम गरिरहेको छ ।
प्रतिक्रिया