शनिबार १४, भदौ २०८२ ०६:४९
शनिबार १४, भदौ २०८२ ०६:४९
गाैमुल खबर
काठमाडौं : नेकपा एमालेका नेता कर्णबहादुर थापाले पार्टीले संविधान, कानुन र जनताको बहुदलीय जनवादको मर्मविपरीत पूर्वराष्ट्रपति विद्यादेवी भण्डारीलाई राजनीतिमा आउन बन्देज लगाएको बताएका छन्।
बुधबार काठमडौंमा आयोजित साक्षात्कार कार्यक्रमलाई सम्बोधन गर्दै नेता थापाले एमालेको केन्द्रीय समितिले प्रस्तावमा पनि नभएको र छलफल गर्नुपर्ने एजेण्डामा समेत नरहेको कुरालाई छलफलमा ल्याएर भण्डारीलाई राजनीतिमा आउनबाट रोक लगाएको बताएका हुन्।
निर्णय गर्न राजनीतिक दलहरू स्वतन्त्र भए पनि ती निर्णयहरू संविधान र कानुनसँग बाझिन नहुने उनले बताए। उनले राष्ट्रपति, पूर्वराष्ट्रपति भइसकेको व्यक्ति सक्रिय राजनीतिमा आउने हुने वा नहुने भन्ने कुराको बहस गर्न सकिने भए पनि एमालेमा प्रवेश गर्ने कुरासँग जोडेर मिसमास गरेर छलफल गर्न नमिल्ने तर्क गरे।
थापाले पार्टीमा फरक मत र विचारलाई बन्देज लगाउने, प्रतिस्पर्धाको प्रणालीलाई कमजोर बनाउने र निषेध गर्नेजस्ता गतिविधिहरू भइरहेको उल्लेख गरे। पूर्वराष्ट्रपति भण्डारीलाई राजनीतिमा आउन रोक्ने केन्द्रीय समितिको निर्णयमा आफूले ‘नोट अफ डिसेन्ट’ दर्ज गरेको पनि उनले जानकारी दिए।
प्रतिक्रिया