गाैमुल खबर डटकम शनिबार १४, भदौ २०८२ ०६:५३

बुढीगंगामा ६ सयले आँखा शिविरमा उपचार सेवा लिए

बाजुरा
गाैमुल खबर गाैमुल खबर
शुक्रबार, जेठ २३, २०८२
बुढीगंगामा ६ सयले आँखा शिविरमा उपचार सेवा लिए

बाजुरा ः जिल्लाको बुढीगंगा नगरपालिकामा मंगलबारबाट सुरु भएको दुई दिने निःशुल्क आँखा शिविर सञ्चालन भएको थियो । नगरपालिकाको आयोजना र गेटा आँखा अस्पताल कैलालीको प्राविधिक सहयोगमा आजबाट आँखा शिविर सञ्चालन गरिएको थियो । जेठ २० र २१ गते निःशुल्क आँखा शिविर आयोजना हो ।

टाँटेमा सुरु भएको निःशुल्क शिविरमा बुढीगंगा, त्रिवेणी नगरपालिका र खप्तड छेडेदह गाउँपालिकाका नागरिक सेवा लिन आएका थिए शिविरमा वृद्धवृद्धा, बालबालिका र आँखाको दृष्टि सम्बन्धी समस्याबाट पीडित व्यक्ति उपचारका लागि आएको बाजुरा स्वास्थ्य चौकी टाँटेका प्रमुख छत्र थापाले बताएका छन् ।

आँखाको मोतीविन्दु हराएका,आँखाको अन्य समस्याको परिक्षण सहित शिविर सञ्चालन गरिएको हो । शिविरमा ६ सय जनाले उपचार सेवा लिएका छन् । मोतीविन्दु लागेर दृष्टिविहिन भएका एक सय ४२ जनाको अप्रेसन गरिएको छ । भने चार सय ५८ जनाको सामान्य उपचारपछि परामर्श सहित सेवा लिएका छन् ।

 हरेक वर्ष नगरपालिकाले गेटा आँखा अस्पतालसंग समन्वय र सहकार्यमा  नगरका नागरिकलाई आँखाको मोतिविन्दुको रोगबाट मुक्त गर्ने गरी शिविर सञ्चालन गर्दै आएको छ।शिविरमा वरिष्ठ विशेषज्ञ चिकित्सकहरूको टोली, गेटा आँखा अस्पतालबाट आएका स्वास्थ्यकर्मीहरू, स्थानीय स्वयंसेवक र नगरपालिकाको समन्वयमा सेवा प्रदान भईरहेको छ ।

शिविर समापन कायर्यक्रममा बुढीगंगा नगरपालिकाका नगर प्रमुख रामबहादुर बाँनियाले शिविरमा सहयोग गर्ने गेटा आखा अस्पतालको टिमलाई धन्यवाद समेत दिनु भएको छ । उहाँले आगामी दिनहरुमा सहयोग र सहकार्यको हुने विश्वास समेत गरेका छन्।नगर प्रमुख बानियाँले नगरका नागरिकको स्वास्थ्य जीवन गुणस्तरीय सेवा प्रदान गर्ने पहिलो प्राथमिकता रहेको बताए।

स्वास्थ्य सेवालाई मध्यनजर गर्दे नगरपालिकाको वार्षिक कार्ययोजना मार्फत स्वास्थ्य, कृषि, पशु लगायतका शिविर सञ्चालन गरिएकाे रहेको बताए । शिविरमा वरिष्ठ विशेषज्ञ चिकित्सकहरूको टोली, गेटा आँखा अस्पतालबाट आएका स्वास्थ्यकर्मीहरू, स्थानीय स्वयंसेवक र नगरपालिकाको समन्वयमा सेवा प्रदान गरिएकाे हाे।

बाजुरा स्वास्थ्य चौकीका प्रमुख छत्र थापाको अध्यक्षतामा सञ्चालन भएको शिविरमा समापन कार्यक्रममा बुढीगंगा नगरपालिकाका नगर प्रमुख रामबहादुर बानियाँ  प्रमुख अतिथि रहेका थिए । उक्त कार्यक्रममा नगर उपप्रमुख माया (खड्का) कुवँर लगायतकाे सहभागीता रहेकाे थियाे ।

प्रतिक्रिया