बाजुरा ः जिल्लामा हालसम्म ८५ हजार ९ सय ७८ जना मतदाताले मतदाता नामावलीमा नाम दर्ता गरेका छन् । जिल्ला निर्वाचन कार्यालय बाजुराले बिहीबार सार्वजनिक गरेको मतदाता नामावलीको तथ्याङ्क अनुसार जिल्लाका ९ वटै पालिकाका ६९ वटा वडामा महिला पुरुष गरी ८५ हजार ९ सय ७८ जना मतदाताले फोटो सहितको मतदाता नामावलीमा नाम दर्ता गराएका हुन् ।

निर्वाचन कार्यालय बाजुराले सार्वजनिक गरेको २०८१ चैत ३१ गतेसम्म जिल्लामा १८ वर्ष उमेर पुरा भएका जिल्लाका मतदाताहरुको विवरण सार्वजनिक गरेको हो । सबै भन्दा बढी बुढीगंगा नगरपालिकामा र सबै भन्दा कम जगन्नाथ गाउँपालिकामा रहेका छन् ।

०७९ सालको स्थानीय संघ र प्रदेशको निर्वाचनमा ८२ हजार ६ सय ९० रहेकोमा  ३ वर्षको अवधिमा करिब ३ हजार २ सय ८८ मतदाता बढेका हुन् । जिल्लाका ९ मध्ये सबै भन्दा बढी बुढीगंगा नगरपालिकामा १४ हजार ५ सय ३० छन् भने जगन्नाथ  गाउँपालिकामा सबै भन्दा कम ५ हजार ५ सय ७८ जना मतदाता रहेको छन् ।

त्यस्तै गौमुल गाउँपालिकामा ६ हजार १ सय ७१, खप्तड छेडेदह गाउँपालिकाका १२ हजार ४२६, त्रिवेणी नगरपालिकामा ११ हजार ८ सय ६६, बडीमालिका नगरपालिकामा १० हजार ३ सय ६५, बुढीनन्दा नगरपालिकाका ११ हजार २ सय ८१, स्वामीकार्तिक खापर गाउँपालिकामा ७ हजार ५ सय १५ र हिमाली गाउँपालिकामा ६ हजार २ सय ४६ जना मतदाता रहेका छन् ।

तथ्याङ्क हेर्नुस्