शुक्रबार ०५, बैशाख २०८२ ०६:०५
शुक्रबार ०५, बैशाख २०८२ ०६:०५
गाैमुल खबर
अछाम : अछामको जयगढ बजारमा भीषण आगलागी भएको छ। खाना पकाउँदै गरेको सिलिन्डर विस्फोट भएर आगलागी भएको स्थानीयले बताएका छन्। आगलागीबाट एक घर, दुई सुनचाँदी पसल, एउटा मोबाइल पसल, एउटा भाँडा पसल र ४ किराना पसल जलेर नष्ट भएको छ।
जिल्ला प्रहरी कार्यालय अछामका अनुसार कालु सुनार, किस्मत सुनारको सुनचाँदी पसल, रतन साउँदको घर, हिमाल साउँदको मोबाइल पसल, रती साउँदको भाँडा पसल, रामबहादुर रावत,मञ्जु साउँद र गोकुल साउँदको किराना पसल जलेर नष्ट भएको हो।
आगो नियन्त्रणका लागि मंगलसेन नगरपालिकाबाट दमकल पुगेको छ। आगो नियन्त्रणमा कठिनाई भइरहेको स्थानीयले बताएका छन्। आगो निभाउन पुगेको दमकल बजारभित्र जान नसक्दा जेसीबीले घर भत्काउने काम भइरहेको स्थानीय तारामान खड्काले जानकारी दिए।
बजारमा स्थानीय पुष्पराज शर्माले सञ्चालन गरेको आइएमई पसलमा साँझ ७:२० मिनेटमा ग्यास सिलिन्डर विस्फोट भएर आगलागी भएको जिल्ला प्रहरी प्रमुख डीएसपी ईश्वरीप्रसाद भण्डारीले जानकारी दिए। आगो अझै नियन्त्रणमा आउन सकेको छैन्। घटनाको विस्तृत विवरण आउन बाँकी रहेको जिल्ला प्रहरी कार्यालय अछामले जनाएको छ।
प्रतिक्रिया