बिहीबार २०, चैत २०८१ ०५:३०
बिहीबार २०, चैत २०८१ ०५:३०
गाैमुल खबर
बाजुरा ः नारायणगढ-मुग्लिन सडकको भरतपुर महानगरपालिका-२९ सेती दोभानमा यात्रुवाहक बस दुर्घटना हुँदा १५ जना घाइते भएका छन् । बस सडकदेखि तल खोल्सामा खसेको छ ।
चितवन जिल्ला प्रहरी कार्यालयका अनुसार आइतबार बिहान पौने पाँच बजेतिर नेपालगञ्जबाट काठमाडौँ जाँदै गरेको लु प्र ०३-००१ ख ००७७ नम्बरको बस सेती दोभानमा पुलबाट १५/२० मिटर तल खोल्सामा खसेको हो ।
बसमा २९ जना यात्रु रहेको विवरण प्राप्त भएको चितवन जिल्ला प्रहरी कार्यालयका प्रहरी निरीक्षक लक्ष्मण केसीले बताए ।
१५ जना घाइतेलाई उद्धार गरेर उपचारका लागि भरतपुरका अस्पताल लगिएको छ । उद्घार कार्य जारी नै छ । घटनाको विस्तृत विवरण आउन बाँकी रहेको प्रहरी निरीक्षक केसीले बताए ।
प्रतिक्रिया