गाैमुल खबर डटकम बिहीबार २९, फागुन २०८१ १०:५८

कञ्चनपुरमा कांग्रेसका नगर सभापति कलौनी मृत भेटिए

धनगढी
गाैमुल खबर गाैमुल खबर
शनिबार, माघ १९, २०८१
कञ्चनपुरमा कांग्रेसका नगर सभापति कलौनी मृत भेटिए

धनगढी ः कञ्चनपुरमा नेपाली काँग्रेसका नगर सभापति अच्युत कलौनी मृत अवस्थामा भेटिएका छन् । भीमदत्त नगर सभापति कलौनी शनिबार बिहान भीमदत्त नगरपालिका-१८ को मामा भान्जा चोक नजिकै मृत भेटिएका हुन् ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) उमेशराज जोशीले पौने ८ बजेको समयमा उनी मृत अवस्थामा फेला परेको बताए ।

घटनाको अनुसन्धानका लागि धनगढीबाट तालिम प्राप्त कुकुुर मगाइएको बताउँदै डीएसपी जोशीले अहिले घटनास्थल सिल गरिएको जानकारी दिए ।

कलौनीको शरीरमा बाहिर देखिने चोटपटक नदेखिएपनि घोप्टो अवस्थामा शव भेटिएको प्रहरीले जनाएको छ । अहिलेसम्म प्रहरीले शवलाई छोएको छैन । तालिम प्राप्त कुुकुरहरुको प्रयोगपछि मात्र बाँकी काम गर्ने प्रहरीको भनाई छ ।

प्रतिक्रिया