बाजुरामा विद्युत सेवा अवरुद्ध

गाैमुल खबर

बुधबार, पुष २४, २०८१

बाजुरा : बाजुरामा विद्युत सेवा अवरुद्ध भएको छ । राष्ट्रिय प्रसारण लाइन अन्र्तगत दिपायल-साँफे बगर ३३ केभी विजुलीको तार चुटिएपछि बाजुरा र अछामको विद्युत सेवा अवरुद्ध भएको हो ।

मंगलबार राति डोटी जिल्लाको उडितोलामा रुख ढलेर तार चुटिएपछी अछाम तथा बाजुरा जिल्ला भर विद्युत सेवा अवरुद्ध भएको नेपाल विद्युत प्राधिकरण बाजुरा बितरण केन्द्रले जनाएको छ ।

डोटीमा तार चुटिएर विग्रेको लाईन मर्मत गर्नका लागि कर्मचारी परिचालन भएको र केही समयपछि विद्युत सेवा सञ्चालनमा आउने बताईएको छ । विद्युत अवरुद्ध भएपछि सरकारी तथा गैरसरकारी कार्यालयका कामकाज ठप्प भएका छन् ।