काठमाडौं : प्रधानमन्त्री केपी शर्मा ओलीले भूकम्पबाट सुरक्षित रहन सबैलाई आग्रह गरेका छन् । आज सामाजिक सञ्जालमा लेख्दै उनले भनेका छन्, 'हिजोआज विभिन्न भागमा सानाठूला भूकम्पका धक्का आइरहेका छन् ।

सबै सतर्क रहनुहोला, सुरक्षित रहनुहोला ।' आज बिहान ६:५० बजे नेपाल र चीन (तिब्बत)को सीमा क्षेत्र केन्द्रविन्दु बनाएर भूकम्प जाँदा काठमाडौंसहित देशका विभिन्न जिल्लामा भूकम्पको धक्का महसुस गरिएको थियो ।