बाजुरामा दुई जना फरार प्रतिवादी पक्राउ

गाैमुल खबर

बिहीबार, पुष १८, २०८१

बाजुरा : बाजुरामा बालविवाह र सवारी मुद्धाका प्रतिवादी पक्राउ परेका छन् । जिल्ला प्रहरी कार्यालय बाजुराले जिल्ला अदालतको फैसलाले कैद र जरिवाना असुल उपर गर्नुपर्ने दुई जना प्रतिवादी पक्राउ गरेका हुन् ।

पक्राउ पर्नेमा २ वर्ष ११ महिना कैद, ३२ हजार रुपैयाँ जरिवानासहित सवारी ज्यान मुद्धाका प्रतिवादी बुढीगंगा नगरपालिका-७ का २६ वर्षीया शेरबहादुर खड्का र ११ महिना १० दिन कैद, १० हजार रुपैयाँ जरिवानासहित बहुविवाह मुद्धाका फरार खप्तड छेडेदह गाउँपालिका-३ की ३० वर्षीया लक्ष्मी बोगटीलाई पक्राउ गरिएको जिल्ला प्रहरी कार्यालय बाजुराले जनाएको छ ।

बुधबार उनीहरुकै निवास नजिकबाट पक्राउ गरेका खड्का र बोगटीलार्ई फैसला कार्यान्वयनका लागि बाजुरा जिल्ला अदालतमा पेश गरिएको प्रहरीले जनाएको छ ।