शुक्रबार २१, चैत २०८१ ०६:०२
शुक्रबार २१, चैत २०८१ ०६:०२
गाैमुल खबर
बाजुरा : बाजुरामा खाद्य संस्थानबाट सहुलियत मूल्यमा चिनी विक्री वितरण सुरु गरिएको छ । बिहीबारबाट जिल्लाको सदरमुकाम मार्तडीमा रहेको खाद्य व्यवस्था तथा व्यापार कम्पनी लिमिटेड शाखा र डिपो कार्यालय कोल्टीबाट चिनी विक्री गर्न सुरु भएको छ ।
नागरिकलाई सहुलियत मूल्यमा चिनी उपलब्ध गराउने उदेश्यका साथ मार्तडी र कोल्टीबाट एकसाथ विक्री गर्न सुरु गरिएको खाद्य संस्थानका प्रमुख उमेश भण्डारीले बताएका छन् ।
मार्तडी शाखा र कोल्टीमा २०-२० क्वीन्टल चिनी विक्री गर्न थालिएको छ । हाल मार्तडी बजारमा चिनीमा प्रति केजी १ सय २० रहेकोमा मार्तडी खाद्य कार्यालयबाट १ सय १५ रुपैयाँमा चिनी विक्री भईरहेको छ ।
त्यस्तै कोल्टी बजारमा चिनीमा प्रति केजी १ सय २३ कायम रहेकोमा कोल्टी खाद्यबाट १ सय १८ रुपैयाँमा विक्री वितरण हुने गरेको छ ।
बजारमा चिनीको मूल्य आकाशिएका बेला खाद्य संस्थानबाट सहुलियत मूल्यमा चिनी वितरण गरिने भएपछि स्थानीयबासी खुसी भएका छन् ।
प्रतिक्रिया