शुक्रबार ३०, फागुन २०८१ ११:२१
शुक्रबार ३०, फागुन २०८१ ११:२१
गाैमुल खबर
बाजुरा : २०७९ को स्थानीय तहको निर्वाचनमा १७३ मतले पराजित भएकी एमाले उम्मेदवार सुलोचना कुमारी भण्डारी (बुढा) ले त्यो भन्दा बढी मत पाउँदै उपनिर्वाचन जितेकी छन् । २०७९ को निर्वाचनमा एमाले काँग्रेसकै प्रतिस्पर्धामा काँग्रेस उम्मेदवार मैनादेवी जोशी विजयी भएकी थिइन् ।
जोशीले एक हजार ८१० ल्याएर विजयी हुँदा बुढाले एक हजार ६३७ पाएकी थिइन् । जोशीको निधन भएपछि भएको उपनिर्वाचनमा नेपाली काँग्रेसका उम्मेदवार पुल्तीसरा शाहीलाई २६६ मतान्तरले पछि पार्दै सुलोचना निर्वाचित भएकी हुन् ।
सुलोचना १ हजार ७४० मत सहित विजयी हुँदा काँग्रेस उम्मेदवार पुल्तीसराले १ हजार ४७४ मत पाइन् । नेकपा एकीकृत समाजवादीकी जवा शाहीले ५५३ पाएकी छन् । ७ हजार ४६० मध्ये ३ हजार ९०३ जनाले मतदान गरिसकेका थिए ।
एमालेको लालकिल्ला मानिएको स्वामीकार्तिकमा नेकपा विभाजनपछि नेपाली काँग्रेस बलियो देखिएको थियो । एमालेकी सुलोचनाले पार्टीको विरासत फर्काएकी छन् । उपनिर्वाचनमा माओवादी केन्द्रले एमाले उम्मेदवारलाई सहयोग गरेको हो ।
प्रतिक्रिया