शनिबार ०८, मङि्सर २०८१ ०९:०५
शनिबार ०८, मङि्सर २०८१ ०९:०५
गाैमुल खबर
महेन्द्रनगर : पूर्व पश्चिम राजमार्ग अन्तर्गत कञ्चनपुरको शुक्लाफाटा नगरपालिका-११ स्थित कलुवापुरमा बस दुर्घटना हुँदा ३१ जना घाइते भएका छन्।
जिल्ला प्रहरी कार्यालय कञ्चनपुरका सूचना अधिकारी प्रहरी नायब उपरीक्षक उमेश जोशीका अनुसार धनगढीबाट महेन्द्रनगर आउँदै गरेको ना ४ ख ७७५५ नम्बरको बस दुर्घटना भएको हो। बसमा सवार ३१ जना यात्रु घाइते भएका छन् दुई जनाको अवस्था गम्भीर छ।
प्रहरीका अनुसार धनगढीमा नेत्रविक्रम चन्द (विप्लव)को कार्यक्रममा सहभागी भएर महेन्द्रनगर फर्कँदै गरेको बस दुर्घटनामा परेको हो। घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको प्रहरीले जनाएको छ।
प्रतिक्रिया