बाजुरा : नेकपा एकिकृत समाजवादी पार्टी स्वामीकार्तिक खापर गाउँ कमिटीका अध्यक्ष पशुपति रोकाया र वडा अध्यक्षका उम्मेदवार जयलाल शाही नेकपा एमालेमा प्रवेश गरेका छन् ।

मंसिर १६ गते हुने उपनिर्वाचनका लागि प्रचार प्रसार अभियानमा व्यस्त रहेको नेकपा एमालेको टोली आज स्वामीकार्तिक खापर गाउँपालिकाको–३ मा पुगेको छ ।

पार्टीको प्रचारप्रसार अभियान अन्तर्गत गरिएको जनता भेटघाट कार्यक्रममा नेकपा एकिकृत समाजवादी पार्टीका स्वामीकार्तिक गाउँ कमिटीका अध्यक्ष सहित नेकपा एमालेमा प्रवेश गरेको प्रचार विभाग प्रमुख राजन कुमार रोकायाले बताएका छन् ।

प्रवेश गर्नेमा नेपाली काँग्रेस परित्याग गरी स्वामीकार्तिक खापर गाउँपालिकाको–४ फैताका नन्द बहादुर कैला, बीर बहादुर कैला, वीरेन्द्र कैला, कुम्भ कैला र , समाजवादीबाट पर्व कैला पनि प्रवेश भएका छन् ।

नेकपा एकिकृत समाजवादी पार्टीबाट एमालेमा प्रवेश भएका रोकायालाई जिल्ला ईन्चार्ज लालबहादुर थापा, केन्द्रीय सल्लाहकार परिषद् सदस्य रंगमान शाही, प्रदेश उपाध्यक्ष काली बहादुर शाही, जिल्ला अध्यक्ष लालबहादुर ओली लगायतले स्वागत गरेका हुन् ।

सोही प्रवेश कार्यक्रममा एमाले सुदूरपश्चिम प्रदेश कमिटी सदस्य चतुर्भुज शाही, युवराज शाही, जिल्ला कमिटी उपाध्यक्ष जनक बोहरा, सचिवालय सदस्य कमल धराला, राजन रोकायाm सीता शाही, जापना शाही, उपाध्यक्षका उम्मेदवार शुलोचना भण्डारी बुढा, माओवादी केन्द्रका सचिव रमेश विक र उम्मेदवार राजु विक लगायतको सहभागीता रहेको थियो ।