शनिबार ०८, मङि्सर २०८१ ०९:१४
शनिबार ०८, मङि्सर २०८१ ०९:१४
गाैमुल खबर
बझाङ : बझाङमा एक वर्षीया बालिको हत्या गरेको आरोपमा प्रहरीले एक जनालाई पक्राउ गरेको छ । सुर्मा गाउँपालिकाका वडा नं -१ नाउला गाउँका ३२ वर्षीय प्रेमबहादुर बोहरालाई नाबालिका हत्या आरोपमा पक्राउ गरिएको हो । आरोपितकी श्रीमती मन्कली साउदले दिएको जाहेरीका आधारमा बोहरालाई नियन्त्रणमा लिइएको प्रहरीले जनाएको छ ।
जिल्ला प्रहरी कार्यालय प्रहरी निरीक्षक लोकेन्द्र सिं ठगुन्नाका अनुसार २०८१ मंसिर २ गते साँझ मदिरा सेवन गरेका बोहराले श्रीमती मन्कली साउदसँग विवाद हुँदा बालिकाको हत्या गरेका थिए ।
गत भदौ २२ गते मात्रै अछामको मंगलसेन नगरपालिका वडा नम्बर ३ बाट मन्कलीसँग भागी विवाह गरेका गरेका थिए । दुवै जनाको यो दोस्रो विवाह रहेको र मन्कलीले पहिलो श्रीमानबाटको छोरी पनि सँगै लिएर आएको प्रहरी निरीक्षक ठगुन्नाले बताए ।
अर्काकी छोरीसँगै ल्याएको भन्दै तनावमा रहेको प्रेमले यसअघि पनि मन्कलीलाई यातना दिने गरेको उनले जानकारी दिए । प्रहरीको प्रारम्भिक अनुसन्धानबाट प्रेमले नै हत्या गरेको खुलेको र अदालतबाट म्याद थप गरी थप अनुसन्धान भइरहेको ठगुन्नाले बताए ।
प्रतिक्रिया