बाजुरामा धारिलो हतियार प्रहार गरी दुईजना युवालाई घाइते बनाई फरार रहेका तीजना अभियुक्त प्रहरीले पक्राउ गरेको छ ।

बुढीनन्दा नगरपालिका–१ भारतीस्थित कौसाडीमा सदरमुकाम मार्तडीदेखि जगन्नाथ तर्फ जादै गरेको प्रदेश नं.२,००१च०११३ नम्बरको सवारी साधनमा सवार यात्रु जगन्नाग गाउँपालिका–१ का २१ वर्षीया केशब कामी र २४ वर्षीय चन्दलाल विकलाई धारिलो हतियार र ढुङ्गा प्रहार गरी घाइते बनाएर फरार भएका स्वामिकार्तिक खापर गाँउपालिका–३ जुकोट बस्ने २१ वर्षीय उत्तम सिंह, २१ वर्षीय अनिल सिंह र २० वर्षीय उपेन्द्र शाहीलाई प्रहरीले पक्राउ गरेको हो ।

जिल्ला सदरमुकाम मार्तडीबाट २०७८ साल चैत्त २८ गते राती ९ बजेको समयमा जगन्नाथ तर्फ जादै गरेको जिपमा सवार यात्रुहरु मध्ये कामी र विकलाई आक्रमण गरी धारिलो हतियार र ढुङ्गा प्रहार गरी गम्भीर घाइते बनाएको थियो । धारिलो हतियार तथा ढुङ्गा प्रहार गरी गम्भीर घाइते बनाई फरार भएका प्रतिवादी सिंह र शाहीलाई प्रहरीको टोलीले घटना भएको केही दिनमै पक्राउ गरेको जिल्ला प्रहरी कार्यालय बाजुराले जनाएको छ । 

घाइतेहरुको दाजु दलवीर विकको जाहेरीले ज्यान मार्ने उद्योग मुद्दा दर्ता भई बाजुरा जिल्ला अदालतबाट ९ दिन म्याद थप भई अनुसन्धान भईरहेको प्रहरीले जनाएको छ । गम्भीर घाइते केशब कामीको हाल नेपालगञ्ज नर्सिङ होमको सघन आईसीयू र अर्का घाइते चन्दलाल विकको पनि सोही अस्पतालमा उपचार भईरहेको जिल्ला प्रहरी कार्यालय बाजुराले जनाएको छ ।