शनिबार ०८, मङि्सर २०८१ ०९:१२
शनिबार ०८, मङि्सर २०८१ ०९:१२
गाैमुल खबर
बाजुरा : बाजुराको सदरमुकाम मार्तडीमा करेन्ट लागेर एक युवक घाइते भएका छन् । बिहीबार बेलुकी विद्युतको तार मर्मत गर्ने क्रममा त्रिवेणी नगरपालिका–३ पुर्भुताका २८ वर्षीय पुरन साउँद घाइते भएको जिल्ला प्रहरी कार्यालय बाजुराले जनाएको छ ।
नेपाल विद्युत प्राधिकरणको बाजुरा वितरण केन्द्र अन्तरगत बडीमालिका नगरपालिका ९ कारागार नजिकै विद्युतको नाङ्गो तार हटाएर नयाँ कालोतार विस्तार गर्ने क्रममा करेन्ट लागेर घाईते भएको जिल्ला प्रहरी कार्यालय बाजुराले बताएको छ ।
प्रहरीका अनुसार पुरानो खुला तार हटाएर नयाँ सुरक्षित कालो तार विस्तार गर्ने क्रममा साउँदको करेन्ट लागेर दायाँ हात र दायाँ,बायाँ खुट्टामा चोट लागेको छ ।
घाइते साउँदको जिल्ला अस्पताल बाजुरामा उपचारपछि थप उपचारका लागि सेती प्रादेशिक अस्पताल धनगढी लगिएको बुझिएको छ । घाइते साउँदलाइ नेपाल विद्युत प्राधिकरण बाजुरा वितरण केन्द्र जीपमा धनगढी लगिएकाे हाे ।
प्रतिक्रिया