आइतबार २५, जेठ २०८२ ००:१३
आइतबार २५, जेठ २०८२ ००:१३
गाैमुल खबर
बाजुरा ः बुढीगंगा नगरपालिका-६ मा पर्ने बाम्का बजारमा होटलमा खाना पकाउने ग्यासको सिलिण्डर पड्किएर आगलागी भएपछि जिल्लामा इन्टरनेट सेवा अवरुद्ध भएको छ । साँफे-मार्तडी राजमार्गमा पर्ने बाम्का बजारमा शुक्रबार नवदुर्गा होटलमा ग्यास पड्किएर आगलागी हुँदा इन्टरनेटको तार जलेपछि सेवा अवरुद्ध भएको छ ।
बाम्का बजारमा आगलागी भएपति विद्युतको तारसंगै इन्टरनेटको पनि जलेको नेपाल टेलिकम दुर सञ्चार कार्यालय बाजुराका प्राविधिक विवेक थापाले बताएका छन् । टेलिकमको तार जलेको डडेल्धुरामा खबर गरिसकेको छ ।
फाइबर इन्टरनेटको तार त्रिवेणी नगरपालिका र बुढीगंगा नगरपालिकाको जलेर नष्ट भएको छ । भने मार्तडीको इन्टरनेटको तारको लिंकमा पनि खराबी आएका कारण इन्टरनेट सेवा सुचारु हुन नसकेको हो । इन्टरनेट सेवा अवरुद्ध हुँदा जिल्लाका सञ्चार माध्यम र सरकारी तथा वित्तिय संस्थाहरुको काम प्रभावित बनेको छ ।
प्रतिक्रिया